2019-2020 оны хичээлийн жил

Багш нарын баярын мэнд

Завхан аймгийн Идэр суманд болж байгаа эх хэлний олимпиадад маш амжилттай оролцлоо.

Завхан аймгийн Идэр суманд болж байгаа эх хэлний олимпиадад 8в ангийн Билэгдэмбэрэл тэргүүн байр, 9а ангийн Буянзаяа 3р байр эзэлж амжилттай оролцсон байна. Сурагчдадаа болон бэлдсэн багш Э.Тогоохүү, М.Бямбасүрэн нарт баяр хүргэе. амжилтын буухиа үргэлжилж 6в ангийн Цэрэнлхам маань мөн тэргүүн байр эзэлсэн байна. Бас дахин баяр хүргэе ээ

Улсын чанартай олимдиадад амжилттай оролцлоо

СУИС-ын "Соёлын сургууль"-аас БСШУЯ, ЗГ-ын хэрэгжүүлэгч агентлаг СУГ, ЮНЕСКО-ын Монголын үндэсний комисс, "Эх Монгол сан" ТББ-тай хамтран зохион байгуулсан "Соёлын өв" улсын анхдугаар эчнээ олимпиадад Дундговь аймгаас Б.Ууганцэцэг багшийн шавь 12в ангийн суралцагч Б.Дуламжав 3-р байр эзэлж СУИС-д элсэн суралцах урилга авлаа. Мөн Н.Амарсайхан багшийн удирдсан 12б ангийн суралцагч П.Мөнхцэрэн 4-р байр, 12в ангийн суралцагч О.Анужин, 12б ангийн суралцагч Э.Пүрэвсүрэн амжилттай оролцож батламж, СУИС-д суралцах урилгаар шагнагдлаа. Амжилттай оролцсон бүх шавь нартаа баяр хүргэж амжилт бүтээлийн дээдийг хүсэе.

"Оргил" клуб

"Оргил" сэтгүүлчийн клубийн сурагчид Дархан-Уул аймагт туршлага судлах аялалд яваад ирлээ

Сайн хичээл

ЭРҮҮЛ МЭНД - ЭКО ОРЧИН

Бид хими, биологийн хичээлээрээ дамжуулан сурагчдад байгаль, эх орноо хайрлан хамгаалах, эрүүл мэнд экологийн боловсролтой иргэнийг төлөвшүүлэн гаргахын тулд сургуульдаа биологийн туршилтын талбай байгуулан ажиллаж байна. Ингэснээрээ биологийн хичээлийг илүү үр дүнтэй сурагчдын амьдралд ойр дөхөм болгож чадсан. Манай аргазүйн нэгдлийн багш нар өөрсдийгөө болон шавь нарынхаа мэдлэг, чадварыг дээшлүүлэх зорилгоор улс болон орон нутгийн чанартай уралдаан тэмцээнүүдэд амжилттай сайн оролцсоор ирлээ. Улсын биологийн олимпиад болон ЭЕШ-д амжилттай сайн бэлтгэн оролцуулснаар ирээдүйн эмч,мэргэжилтэн, эрдэмтэн багш нар төрөн гарсаар байна.  

Ирээдүйн олимпийн аварга төрнө гэдэгт бид итгэлтэй байдаг

        

  Манай сургууль  хүүхэд багачуудын авъяас чадварыг тал бүрээр хөгжүүлж төрөл бүрийн дугуйлан секцэд хамруулснаараа өндөр амжилт гаргаж байна. 2011 онд УАШ мини волейболын тэмцээнээс мөнгөн медаль, 2015 онд УАШ сагсан бөмбөгийн тэмцээнд алтан медаль хүртсэн явдал. Үндэсний бөх, самбо, жудо, чөлөөт бөхийн спортыг хөгжүүлж  багаараа болон хувийн амжилтаар улс аймгийн хэмжээнд тэргүүлж байна. Сүүлийн 10 жилийн хугацаанд багаараа үндэсний бөхийн төрөлд 6 удаа, самбо бөхөөр 2 удаа, жудо бөхөөр 4 удаа, чөлөөт бөхөөр 6 удаа түрүүлж аваргын алтан медаль хүртжээ. Хүн төрөлхтний эв нэгдлийн бэлгэдэл болсон олимпийн бөхийн төрөлд манай сургуулиас аварга төрнө гэдэгт бид итгэлтэй байдаг.

БИД -   Эх хэл, үндэсний босоо бичгээ түгээн дэлгэрүүлэгчид

Тус сургуулийн сурагч Б.Жавзанпагма 2005 онд, Т.Нарангэрэл 2009 онд, А.Буянхишиг 2010 онд, Б.Дашням 2012 онд, Насандэлгэр 2013 онд, О.Пүрэвсүрэн 2015 онд улсын монгол хэл бичгийн олимпиадад, улсын “Уран жиргээ-2011” уралдаанд У.Жавзандулам, Ч.Ариунсугир нар амжилттай оролцож  эцэг эх, үе тэнгийн найз нөхөд, багш нарынхаа бахархал болж байлаа.

Түүнчлэн сурагчдад монгол бичгийг сурталчлах, заах, сурах хүсэл зоригийг нэмэгдүүлэх, босоо бичгээрээ бахархаж омогших, монгол сэтгэлгээг дээдлэх, монгол бичгийн хэрэглээг нэмэгдүүлэхэд чиглэсэн монгол бичгийн дугуйланг хичээллүүлсний үр дүнд 2014 онд багаараа  З.Цэвээнравдангийн нэрэмжит олимпиадад тэргүүн байр, шилжин явах цом, 2015 онд гутгаар байр тус тус эзэлсэн.

          

  Манай сургууль аймагтаа анх удаа “Техник технологийн” улсын 15-р олимпиадыг зохион байгууллаа

Манай сургууль уран зураг, нисэх загвар, усан загвар, зохион бүтээх, авто загварын дугуйлангийн сургалтаар өөртөө итгэлтэй, ирээдүйд амьдрах чадвартай иргэн төлөвшүүлэхэд түлхүү анхаарч ажиллаж байна. Үүний үр дүнд Техник технологийн улсын олимпиадад Б.Цэрэннадмид технологийн, М.Даваадорж зохион бүтээх, Э.Ширнэндорж усан загварын төрөлд амжилттай оролцсон.

БАГИЙН АМЖИЛТ-БИДНИЙ АМЖИЛТ

            Байгалийн ухааны хичээлээр иж бүрэн тоноглогдсон сургалтын орчинд туршилт хийлгэх, дадлага ажлаар хичээл сургалтыг зохион байгуулах нь сурагчдын амжилт гаргахад ихээхэн ач холбогдолтой байгаа юм. 2015 онд улсын хэмжээнд зохион байгуулагдсан физикийн хичээлийн багийн олимпиадад 11-р ангийн сурагчид маань ТЭРГҮҮН байр эзэлж алтан медаль цомын эзэд боллоо.

Дуу хуурын өлгий Дундговийн ирээдүй

Ардын өв соёл, ардын урлагаа хүүхэд багачууддаа өвлүүлэн үлдээх нь багш бидний хойч үеэ урлагаар хүмүүжүүлэн гоо зүйн боловрол олгох ажлын нэг билээ. Сурагчдын авъяас чадварыг хөгжүүлэхэд уртын дуу, морин хуур, үндэсний хөгжим, найрал дууны дугуйлан тус тус ажиллуулж байна. Авъяас хөтөлбөрийн хүрээнд морин хуурын “ЖАМУХА”, уртын дууны “УЯНГАТ ӨЭЛҮН” хамтлаг байгуулагдаж, 300 гаруй сурагчид  амжилттай суралцаж байна.